專題文章

「喂，你覺得『甚麼是愛』？」
「就係你永遠都記住我！」
「吓，咁恨你都可以喎‧‧‧」
「咁你依家係唔係好憎我吖？」
「唔係唔係，我都係想同你理性咁討論下啫‧‧‧」
「愛邊有理性架，係一種感覺，會掛念，會好想一齊，會‧‧‧」
「咪住，你好似講到唔駛面對問題咁；咁都唔可以感覺行先，唔理後果啩？」
「你就係諗得太多！有問題咪一齊面對囉，做人點會無問題？最緊要身邊有人支持、鼓勵，咁幾大問題都可以堅持面對，係咪？」
「我意思係，係唔係可以準備得更好，減少出現問題的機會？你唔係成日都有精力去面對問題啩？」
「我唔識答你，但係我每次去愛一個人，都無去記住自己計咗乜野，而係記得自己鼓起勇氣去同呢個人一齊面對未來！」
「你咁講好似賭一舖咁，好彩你今次賭嬴咗！哈哈！」
「嘻，我不嬲對自己都好有信心。」
「不過信心、支持、鼓勵等等都要理性咁去學習，如果唔係變成情緒指揮腦袋，小則日日嗌交，大則身心受創‧‧‧」
「人人都有不同堅持，講到底要睇你遇到乜嘢人，自己又知唔知自己係一個乜嘢人。」
「我覺得愛一個人雖然包括小小冒險精神，但係跟賭博唔一樣；人生太過依賴運氣，無晒安全感；你唔係好想要呢樣咩？」
「所以哩，只要响你身邊我就滿足‧‧‧」
「咁樣，我同多啦Ａ夢有乜嘢分別？」
「你會幫我，但同時你亦會想我長大、成熟，你呢樣堅持係我最欣賞。」
「呵呵，被你讚兩句，我開始感受到『甚麼是愛』喇！」

人來人往的尖沙咀碼頭，情侶們都忙著跟多啦Ａ夢拍照。我也弄不清楚，是我不知不覺間聽到這段對話，還是這裡的情景勾起我的想像。愛這條路不易走，但我們總會期望能夠好好地走。要事前準備，又要感受過程，最好能夠檢討得失，這些都不是每個人想做就做到的。愛好像一個寶藏，在尋找過程中要有一幅準確的地圖，減少迷失的機會；不時要面對解謎的情況，而如何與合作伙伴好好溝通也是重要一環。累積下來的經驗，都會是陪伴你日後「一路點愛」的小故事。

十一月十八號由家計會青年義工組家義豚構思的「一路‧愛」城市定向比賽，將會有二十隊中學生在港九各地區挑戰不同的任務，學習愛情中不同的主題。愛這條路，你會怎樣走？