專題文章

意外懷孕

參考編號: YH060215

  • 日期2006年2月15日
  • 類別 專題文章
  • 對象不適用
  • 作者白寧 青少年保健中心輔導員
  • 主題 性行為

 

 

懷孕,一個孕育生命的過程,本應充滿歡欣和喜樂;但意外懷孕,卻帶來不少徬徨和擔憂,當中的決擇並不容易。以下的真人真事,正發生在我的輔導歷程裡。

Ivy(假名)是一位21歲的大學二年級學生,和同齡的男友已拍拖1年。她來到青少年保健中心接受服務時,已經證實懷了孕。在第一次見面時,她訴說了發現懷孕的經過及當中的心情。「第一下係無反應,應該係唔識反應!跟住唸我要點做呢?唸完、完資料,先至識得坐低喊,因為知道唔要得BB,所以好難過。」後來當她和男友說出懷孕的消息時,「我睇唔到佢有冇反應,呆囉都係,唔知點算…..個刻大家都會好慌亂,唔知點做。」 懷孕一事令雙方的心理及身體都受苦,「大家都有大家既憂慮同負擔,始終男女唔同,我覺得個肚係我到,你體諒唔到我!佢都會唸,個BB係你到,我都唔知可以做乜,又唔可以幫你生出黎,又唔可以幫你做手術,只可以陪住你…我第一次有BB,身體體質又唔係咁好,更覺得辛苦。腸胃炎去醫院睇醫生,醫生話乜(藥物)都唔比得你,如果你要BB時,返黎怨我點算!結果好辛苦捱左幾日,個情況係佢(男友)幫唔到我,我幫唔到佢,大家幫唔到大家,好唔開心…」

「由細到大既概念就係d人如果意外懷孕,都會家計會。」於是,她便來到青少年保健中心尋求協助。「開頭唸住黎到係做手術,因為之前見私家醫生,佢話做個手術就得啦,我唔知程序,以為黎到就係做手術。見到輔導員個陣,先發覺原來自己覺得(墮胎)係好殘忍一件事,尤其講到要括佢出黎,即刻唸到好似個手咁大既野括佢出黎掉左去個感覺好痛…」「見輔導員時,開始有唔同唸法,我開始會唸下可唔可以留住佢呢。開頭只有d唔捨得,或者唔開心,覺得自己做錯,是但個方法唔要佢,係見到輔導員時,知道要正面去面對問題,唔係解決左問題,就當冇事發生過。」在整個輔導過程,她有更深刻的感受:「令我感受到生命既實在,唔係兩個細胞結合就係一個生命咁理論化。」

當Ivy認真考慮是否可以保留這個小生命時,她的矛盾是「如果我係讀完大學,做緊野,我會唔唸其他野,第一時間要左佢,但係依家唔得,我仍然想完成學業,不想放棄。」另外,她也考慮到作為父母的責任:「我唸湊大一個BB,唔係咁簡單要錢,我連自己都照顧唔到,點照顧一個小朋友!呢個係我最擔心既問題,可能同我成長背景有關。爸爸媽媽由細到大,唔係點理我地幾個兄弟姐妹,由得我地自己大,有錢就比你,冇就自己。我覺得爸爸媽媽既責任應該更大!如果我可以既話,我想比多d我小朋友,但係我連基本生活都比唔到,唔知點可以要到…」這令她回想不少童年的經歷,情緒得以抒發。除此之外,她也考慮到和男友的關係是否成熟到結婚的階段,身邊的家人朋友是否可以接受她未婚懷孕等等。

在考慮清楚生下BB的問題,及做終止懷孕手術的後果,Ivy在跟進輔導時,決定她的選擇是終止懷孕,她也已經作好心理準備,迎接手術及送走BB,而她的男友也會陪伴她。她選了私家醫院做全身麻醉手術,以免手術給她帶來心理陰影。

手術後Ivy要求儘快接受輔導,抒發情緒困擾。她提到手術的經歷及對BB的感覺時說:「返到病房,護士叫我休息一下,可以落床時叫佢,個刻我先開始喊,識得喊,個刻覺得自己好唔!……唔係一句Bye-Bye咁簡單,係我去結束佢既生命,係我無權去決定佢生命要結束,結果由我決定左…因為我自私,我同男友既自私,佢無選擇地黎到呢個世界…又無權地離開呢個世界,我覺得自己無資格同佢講野!」、「在出院時,我要返個標本,我唔想形容佢係個標本,唔知點面對佢係我既BB,覺得好難過…結果左去新娘潭葬左佢。我唔想掉左佢,其實我已經錯左,但我唔想親手掉左落垃圾筒,我做唔到。」

自責大大地影響她隨後的生活,「聽到其他人講墮胎時好似無乜反應時,但我感受好大,明明係你唔,你重大條道理,我覺得應該唔係咁呀!我接受唔到自己,處理唔到情緒,點樣可以接受自己係一個殺人兇手,點樣可以接受返自己,我覺得需要有人幫手,又唔夠比身邊既人知,好辛苦…開始呢埋一二角,怕自己,覺得自己要有好多野要做,但…鑽牛角尖」她嘗試不停工作來分散自己注意力,  「坦白講我都唔知自己做過乜野!」她搬到姐姐家中,想逃離現場,最後朋友也發覺她不對勁,提議不同方法給她,例如在不開心時飲一大杯水,她覺得幫助不大。她認為回來家計會接受輔導是最好的方法,「坦白講,呢度係一個我信賴既地方,整件事都由你地幫我處理,我覺得係度講,比到我安全感最大。講返件事,提醒我要接受事情是過去左,唔可以淨係怪責自己。你可以繼續生存,要學識原諒自己,大家都原諒你,你唔好咁樣對自己。輔導是有幫助的。」除了學懂要接受自己,Ivy也在過程中考慮到和男友的關係:「事情發生左,大家都唔開心,我覺得接受唔到自己,仲點同你拍拖呢?我見到你,就唸起BB啦,想分開,但男友又唔想…呢件事對大家感情既破壞力好大,最後分開左。」

在之後的輔導會面,她有更深的反思,也重新接受自己。「慢慢接受返…每個人都發生一d事,都要同自己講,唔可以停留係個位置上,這會錯得更多,真係有錯要改,可以彌補到少少。」回想到失去的BB,「我學識點樣恰當保持同BB既關係,我唔覺得應該忘記呢件事,我會記住曾經發生過呢件事,可能第時我會話比我d仔女聽…我唔會放低呢個關係,好似我媽媽同我係母女關係一樣,正常關係。」她對將來的看法也正面起來,「我覺得BB教識左我,要有正面價值觀…學會照顧自己,有好多野無人幫到你,要自己幫自己,要大個啦,唔可以持住自己仲細,要錫住自己。」

對於婚前性行為及意外懷孕,她對青少年更有以下的提醒 「我衰左啦,你地唔好將男女關係睇得咁簡單,有好多責任!唔好將呢樣野睇得輕率,好易會發生一d大家唔想發生既事!」她更領悟到什麼是負責任的性關係:「提醒自己唔好咁輕易同人有性關係,你要負責任,唔係你地兩個人想就可以做;做人亦一樣,唔係想做就做!」、「我明白點解以前d人成日講話,你未結婚千期唔好咁樣。以前覺得呢個係道德上觀念,怕有BB。依家發覺性如果係夫婦之間,應該係最恰當,唔會有罪惡感…性生活係夫婦之間美滿既生活,對於唔係夫婦關係,有咁親密既關係,唔係一件太好既事!」