子樂和家寶是鄰居，自從家寶搬來，子樂就對她充滿好感，很想進一步認識對方。這天，遇見家寶在樓下公園的長櫈上等人，子樂主動前往跟她對話：

子樂（坐到長櫈上，並貼近家寶）： 家寶你今日着得咁靚，化晒妝咁，有咩做呀？
家寶（向有空位的地方坐過一點）：冇啊，等緊朋友咋。
子樂（再坐貼近家寶）：你會去邊呀？同咩朋友呀？
家寶： 以前啲朋友囉。
子樂：咦，我今日得閒喎，不如一齊去玩呀！
家寶：呃……我都係去買啲嘢先啦，拜拜！

家寶匆忙地離開，留下子樂一人。

子樂和家寶是鄰居，自從家寶搬來，子樂就對她充滿好感，很想進一步認識對方。這天，遇見家寶在樓下公園的長櫈上等人，子樂主動前往跟她對話：

子樂（走近家寶，站着）：家寶你今日着得咁靚，化晒妝咁，坐喺度做咩呀？
家寶：冇啊等緊朋友咋。
子樂：咦，咁你會去邊度玩呀？
家寶：嗯，我地諗住去附近新開嗰間cafe 食吓嘢囉。
子樂：原來新開咗間cafe呀？咁你試完話我知好唔好食呀！
家寶：好啊！
子樂：咁我走先啦，拜拜！
家寶：遲啲見！

子樂離開，家寶繼續等人。

社交表達陷阱
對鄰居及一般朋友，若靠得太近，會令人感到不舒服；而詢問關於他人私隱的問題，亦會令人感不自然。

社交貼士

• 與人交往時，需維持適當的社交距離。若對方向後退，即表示感到不安，不要再繼續靠近對方。
• 就算想了解別人，也要避免問過份私隱的問題，及作出不恰當的提議。

私隱問題要迴避，保持適當的距離