子樂與靜宜曾有小小爭執。靜宜並沒有放在心上，但子樂卻念念不忘。事隔五天， 回到學校，子樂在小息時突然來到靜宜課室，當時靜宜正與同學說說笑笑。

（子樂突然在一班同學面前大聲說話）
子樂（抱歉的表情）：對唔住都係我唔啱，希望你唔好嬲！
靜宜（感到尷尬及困惑）：吓！無端端我嬲乜嘢？
子樂：我意思係五日前出街嗰時迫你出街食飯，所以我想同你講對唔住。
靜宜（無奈地說）：……哦……

靜宜和其他在場的同學都感覺尷尬。

子樂與靜宜曾有小小爭執。靜宜並沒有放在心上，但子樂卻念念不忘。事隔五天， 回到學校，子樂在小息時突然來到靜宜課室，沒有前言下就向靜宜道歉，令靜宜很費解又尷尬。

（子樂默默地走到靜宜的課室，等待靜宜和其他同學結束對話）

同學A（指着子樂，並向靜宜說）：咦？佢係咪搵你呀？
靜宜（離開座位，並向其他同學說）：你哋傾住先……

（靜宜走到子樂跟前）
靜宜：你搵我？
子樂（抱歉的表情）：五日前出街嗰時迫你出街食飯，我覺得自己做得唔啱，所以想同你講對唔住。
靜宜（微笑）：哦！我都無放喺心！
子樂（開心的表情）：係？見到你笑返，我就放心啦！

社交表達陷阱
認真對待關係，願意表達和道歉，是件好事。但是也需要留意對話的環境，還有自己的表達是否清晰，對方是否了解你在說甚麼。

社交貼士

• 說話前要留意社交環境是否恰當。
• 交流時，說話要有條理，清楚前文後理，讓人明白。

欠缺前文與後理，說話易惹人生氣