一心第一次去教會，見到身旁的思賢正和其他教友聊天及分享，覺得他很有禮貌，對他產生好感，很想認識他。

思賢：好多謝兩位出席義工嘅活動，令到班老人家有一個非常愉快嘅星期日……
一心（突然打斷思賢的說話）：Hello，我係一心呀！你叫咩名呀？
思賢（把頭轉向一心，禮貌地回應）： 你好！叫思賢呀！
一心（繼續不顧及他人）：不如等我介紹下我自己啦！我好鍾意唱歌同畫畫㗎！最鍾意畫Figure同漫畫，不如我俾你睇下我啲作品呀！
思賢（覺得一心不禮貌，皺着眉說）：Sorry呀，唔好意思呀，今日比較忙，同埋我無戴眼鏡，我睇唔到㗎，唔好意思。
一心（不理會對方反應，滔滔不絕地說）：唔緊要呀，我可以形容俾你聽！
思賢（向一心作了個暫停的手勢）：Sorry呀，唔好意思。（把頭轉向另外兩位教友）我依家先同大家見下傳道人傾嘢先……
一心（興奮地說）：我可以一齊嗎？我都可以同傳道人分享㗎！
思賢：Sorry呀，唔好意思呀，下次先……

大家離開了，一心顯得有點失望。

一心第一次去教會，見到身旁的思賢正和其他教友聊天及分享，覺得他很有禮貌，對他產生好感，很想認識他。
思賢：好多謝兩位出席義工嘅活動，令到班老人家有一個非常愉快嘅星期日，Thank you 晒！
（待思賢完成對話後）

一心（看着思賢）：Hello，我係一心呀！你好親切呀，你叫咩名呀？
思賢（把頭轉向一心，禮貌地回應）：你好！我叫思賢呀！
一心：一陣有時間不如等我介紹下我自己啦！我好鍾意唱歌同畫畫㗎！最鍾意畫Figure同漫畫，不如我俾你睇下我啲作品呀！
思賢：好呀，下次有機會呀！
一心：哦，咁我唔阻你啦，下次有機會再同你分享呀。

思賢（禮貌地回應）：好呀，唔該晒你。（站起來並示意另外兩位教友一同站立）我帶你哋見傳道人先。

社交表達陷阱
認識朋友時，需留意環境及對方的反應，並給予合適的資訊。

社交貼士
談話時要懂得鑑貌辨色，留心聆聽，觀察對方的回應，有助建立關係。
眉頭眼額要識睇，互相回應先算傾計