思賢、子樂、一心、和英秀是同班同學。最近一次轉換座位，老師安排了子樂和一心一起坐，而思賢和英秀則被安排坐在子樂的後方。這天，思賢開起玩笑來。

思賢（伸手拍子樂，開玩笑地說）：子樂！子樂，你成日同一心坐埋一齊，仲唔係拍緊拖，哈哈哈哈哈！！
子樂（大發雷霆地說）：我根本就唔鍾意一心，佢唔靚又古怪，都唔知點解老師安排我哋一齊坐！（轉向跟一心說）我以後都唔同你坐呀！我依家即刻就要求老師幫我調位！

子樂以為思賢認真指他和一心拍拖，不希望這事用來開玩笑，便立即跑到教員室要求老師調位。思賢和英秀則覺得很錯愕，不知道發生甚麼事，而一心亦因子樂的說話而感到不開心。

思賢、子樂、一心、和英秀是同班同學。最近一次轉換座位，老師安排了子樂和一心一起坐，而思賢和英秀則被安排坐在子樂的後方。這天，思賢開起玩笑來。
思賢（伸手拍子樂，開玩笑地說）：子樂！子樂，你成日同一心坐埋一齊，仲唔係拍緊拖，哈哈哈哈哈！！
子樂（開玩笑地說）：咦，你又成日同英秀坐埋一齊喎，莫非你哋都係拍緊拖，哈哈哈哈哈！！
思賢：肯定係咁啦，哈哈哈哈！！
英秀：哈哈哈，咪搞啦！

大家有說有笑，愉快地交談。

社交表達陷阱
玩笑是社交關係的潤滑劑，要懂得分辨玩笑，適應人際間輕鬆的對話，與人交往會更輕鬆。不需要時刻都過份認真。

社交貼士

• 以輕鬆的語氣回應別人的玩笑。
• 嘗試以周遭的氣氛來分辨是開玩笑還是認真。
• 如果真的不喜歡開的玩笑，可以禮貌表達，或者離開不參與。

玩笑定認真，要學習區分