子樂和家寶是鄰居，大家都喜歡做運動。今天，他們在健身室巧遇。

（家寶剛踩完單車機，子樂剛好經過）
子樂：咦？家寶，咁啱嘅？你都嚟做運動呀？
家寶：係呀。
子樂：你睇下我手臂，我舉咗一百下㗎啦，有無大隻咗呀？

（家寶見到子樂瘦弱的手臂，有點不懂回應）
家寶（尷尬地微笑着）：嗯，見到個線條出咗嚟……
子樂：係咪OK呀！（自我感覺良好並繼續舉啞鈴）過嚟呀，我教你點練。
家寶：唔使啦（揮手），我都係鍾意踩單車多啲（繼續踩單車機）。
子樂（向家寶招手）： 嚟啦行近啲睇吓先，唔使怕醜喎！
家寶：哎呀，有啲肚痛，去廁所先。

子樂和家寶是鄰居，大家都喜歡做運動。今天，他們在健身室巧遇。

（家寶剛踩完單車機，子樂剛好經過）
子樂：咦？家寶，咁啱嘅？你都嚟做運動呀？
家寶：係呀。

子樂：頭先舉咗一百下啞鈴，舉到手都酸埋。［建議：不刻意叫別人評論自己的訓練成果］
家寶：我啱啱都見到你喺嗰邊好努力做運動。

子樂：想減肥嘛，你呢？頭先練咩嚟？［建議：問開放式問題］
家寶（指着單車機）：啱啱踩完半個鐘呀。

社交表達陷阱
子樂未能明白家寶對於子樂練習成果的回應只是禮貌性，是一種善意的謊言，目的是為維持彼此鄰里的友好關係。另外，子樂亦未能了解家寶因感到驚慌及尷尬多次想離開現場的情況。
善意的謊言是常見的表達方法，目的是為維持與別人的友好關係。

社交貼士

• 面對別人的稱讚，只需要平常心面對、禮貌地作回應。

聽到善意的誇獎，平常心面對讚揚