一心跟有容是鄰居，住在九龍區一棟大廈。他們並不很熟，但一心一向對其他人的事情非常感興趣。今日，一心在大廈樓下碰到有容。

一心：哇，一箱箱嘢咁，做咩事呀？
有容：係啊，準備搬屋呀。
一心（好奇）：搬屋，搬去邊呀？
有容：大西北啊，我媽咪覺得市區太多人同埋車，空氣又差，所以而家搬入長洲住。
一心（質疑的語氣）：長洲邊度係大西北呀，佢喺香港西南面㗎喎。
有容（無奈地說）：係啊西南面呀，唉，同你講嘢真係對牛彈琴！
一心：咩呀，呢度又無牛，點彈琴呀？

（有容嘆氣，沒有回應並繼續收拾東西）
一心：喂，做咩唔應我嘅，好無禮貌呀！

一心跟有容是鄰居，住在九龍區一棟大廈。他們並不很熟，但一心一向對其他人的事情非常感興趣。今日，一心在大廈樓下碰到有容。

一心：哇，一箱箱嘢咁，做咩事呀？
有容：係啊，準備搬屋呀。
一心（好奇）： 搬屋，搬去邊呀？
有容：大西北呀，我媽咪覺得市區太多人同埋車，空氣又差，所以而家搬入長洲住。
一心（好奇的語氣）：大西北即係點呀？
有容：即係……好遠嘅地方。
一心：咁使唔使幫手呀？
有容：唔使啦唔該晒！更何況啲箱咁重，我搬得㗎啦。

社交表達陷阱
人與人的對話中，往往會加入隱喻描述事情，並非所有事情都只是字面上的意思。

社交貼士

• 可以嘗試從上文下理中，理解對話的脈絡，從而解讀對話的真正意思。
• 如在對話中遇到未曾聽過或不明白的情況，可以禮貌地詢問對方。

字面聽唔明？有禮查明再回應