家寶今天打扮十分誇張，又化妝過濃，並在Instagram出了個帖文。每個同學均覺得家寶今天的造型不好看，但大家都不好意思說甚麼，也都循例讚好了家寶的帖文。
（英秀、向華、念慈讚好了該帖文）

[WhatsApp對話]
小玲：你有冇睇家寶個新post？勁樣衰囉以為自己係公主咩？
一心：有呀！好樣衰，我覺得似死屍
（小玲見到好多人讚好了該帖文）
小玲：都唔明點解咁多人like，係人都知佢收兵格㗎啦
一心：我就唔like喇
小玲：是但啦當俾下面囉

[Instagram帖文留言]
小玲：哇（心心眼emoji x 5）白雪公主呀
家寶：邊係（笑笑emoji ）（笑喊emoji ）
小玲：你咁靚，塊面又白到咁，點會唔係白雪公主呀（笑喊emoji ）
一心：吓？白雪公主邊有咁樣衰？層粉底又白又厚，我仲以為係停屍間，小玲你WhatsApp都唔係咁講嘅，你話佢勁樣衰喎

（畫面顯示家寶封鎖了小玲和一心的Instagram）

家寶今天打扮十分誇張，又化妝過濃，並在Instagram出了個帖文。每個同學均覺得家寶今天的造型不好看，但大家都不好意思說甚麼，也都循例讚好了家寶的帖文。
（英秀、向華、念慈讚好了該帖文）

[WhatsApp對話]
小玲：你有冇睇家寶個新post？勁樣衰囉以為自己係公主咩
一心：（不作回應） ［建議：提醒自己要考慮別人感受，不可批評別人］

社交表達陷阱
別人的讚美說話，可能是真心，卻也可能含有諷刺意味，或者只是社交禮儀，要小心分辨。同時亦要設身處地理解或設想別人感受，避免過份直接，傷害他人的情感。

社交貼士

• 即使未能理解別人是真心讚美，抑或還是虛情假意，都應避免直接批評別人，尤其是外貌或打扮，以免引起尷尬。
• 不管內心如何想，都不要用刻薄的言論批評他人。
• 在社交媒體留言也需要負責任，需要小心。

切忌批評外貌打扮，謹言慎行免招麻煩