子樂和英秀一同報了中心的活動。活動上了一節後，子樂和英秀又再次在中心相遇，互相打招呼後，有以下對話：

英秀：喂！子樂！上次個堂我哋分開咗唔同組，上次同我同組有個女仔好靚㗎！
子樂（對話題不感興趣，有點不耐煩）：嗯
英秀（心心眼）：係呀！隻眼好大㗎，頭髮又好長……
子樂（不留情面，翻白眼）：你個樣咁醜樣，個女仔應該對你無興趣！（子樂因好友經常談及不同女仔、想拍拖等話題，而聽到厭煩）
英秀：你咁樣講嘢㗎，當你friend先同你講咋
子樂：你成日都講女仔，好煩呀！
英秀：咁煩就唔做friend囉，唔阻你啦！（說完便走了）

子樂和英秀一同報了中心的活動。活動上了一節後，子樂和英秀又再次在中心相遇，互相打招呼後，有以下對話：

英秀：喂！子樂！上次個堂我哋分開咗唔同組，上次同我同組有個女仔好靚㗎！
子樂：其實...…我知你真係好想拍拖，不過sorry呀，我真係無咩興趣知。
英秀（疑惑）：點解呀？我哋唔係friend咩？傾下計都唔得？
子樂：因為我驚你拍咗拖就唔會搵我㗎啦……
英秀：點會啫！我哋係好朋友嚟㗎嘛……

社交表達陷阱

就算是親人或好朋友，交流時仍要留意字眼和語氣，不要因言語而傷害了他人。有時說話態度不好，是因為有其他隱藏的情緒。坦然面對自己，也對親友坦誠，更可以增進情感。

社交貼士

• 分享，源於信任。珍惜跟你分享心事的人。
• 說話太直白、不懂修飾，可能會令人不舒服，要留意他人的感受。
• 學懂正確表達自己想法，可以與人建立進一步的友誼 。

係friend先講心，互信對你真