班上來了一位新同學家寶。子樂覺得她非常漂亮，心生好感，於是主動跟她展開對話：
（子樂行近家寶的座位）

子樂 ：Hello，我叫子樂呀！我住喺九龍石硤尾美麗邨東西樓5樓20室，我身份證號碼係 A123456(7) 。我平時搭123X巴士返學，喺石硤尾站落車。我屋企有4個人，有我、我爸爸、我媽媽同妹妹。我最鍾意嘅交通工具係巴士，平時會去睇下巴士㗎。
家寶 （尷尬地微笑）：呃......Hello，我叫家寶……
子樂（繼續雀躍地說話）：我最鍾意嘅巴士型號係亞歷山大丹尼士Enviro 500，同埋富豪B8L，我覺得佢哋都好靚。放假時我會坐足成日巴士，又會去下影相。你有冇聽過之前有啲免費乘車日呀？我果陣時搭足晒全日呀！
家寶（一邊走遠一邊說）：呃......好高興認識你，我哋下次再傾啦！
子樂 （表情失落）：但係我仲有好多嘢想同你講喎……

家寶匆忙離開了，而子樂因不可以繼續與家寶交談，覺得有點不開心。

• 家寶面對子樂的不斷分享，會有甚麽感覺？
• 子樂應該如何改善？

班上來了一位新同學家寶。子樂覺得她非常漂亮，心生好感，於是主動跟她展開對話：
（子樂行近家寶的座位）

子樂：Hello，我叫子樂呀！你叫咩名呀？
家寶（微笑）：Hello，我叫家寶。
子樂（微笑）：好高興認識你呀，家寶。
家寶：我都好高興認識你。
子樂：你第一次嚟我哋班，如果有乜嘢需要幫忙嘅地方，隨時同我講啦，我幫到嘅一定幫！
家寶：唔該晒你呀！
子樂：唔駛客氣，我哋係同班同學，應該互相幫助㗎嘛！不如我哋等陣一齊食飯，等我介紹下其他同學比你識呀！
家寶：好呀！

子樂與家寶繼續聊天，非常開心。

社交表達陷阱
在和人相處時，尤其初次見面，或尚未建立足夠信任，不恰當地分享太多個人資訊，會令對方不舒服或不耐煩，亦可能暴露自己的私隱。 因此，要掌握分享個人資訊的適當範疇和程度，並留意場合和對方的興趣及感受。

社交貼士

• 建立友誼時，對話要有互動，亦要配合場合，不講沒必要的個人資料，有助對話氣氛，亦保障私隱。

個人資料勿亂發，講多錯多為下策，簡短對話是妙法