一心在朋友的聚會上見到一位非常有趣的人（陌生男），想主動與他傾談，並取得對方的聯繫方法。

陌生男：三set齊晒，贏咗啦，哈哈！時間差唔多，不如你哋走先？我留低執嘢得啦。
眾人：拜拜！
一心：玩咗咁耐，都未知點樣聯絡你，不如俾你個電話號碼或者IG我啦。
陌生男（語氣帶點尷尬）：不如俾你嗰個IG我先啦，我有時間會再聯絡你。

一心：呢個係我嘅IG（一心立即打開自己的Instagram QR code讓陌生男掃瞄，陌生男掃瞄後便繼續執拾）
一心：你仲未邀請我喎……
陌生男：可能係網絡問題，不如我遲啲再……
一心：我知Wi-Fi（密碼）呀，我幫你呀！
陌生男：我哋執埋嘢先……
一心：好簡單㗎咋……
陌生男：執埋嘢先啦，好快啫（一臉尷尬地繼續收拾）

一心不明白對方與他認識朋友的步伐和期望不一。

一心在朋友的聚會上見到一位非常有趣的人（陌生男），想主動與他傾談，並取得對方的聯繫方法。

陌生男：三set齊晒，贏咗啦，哈哈！時間差唔多，不如你哋走先？我執嘢得啦。
眾人：拜拜！
一心：玩咗咁耐，都未知點樣聯絡你，不如俾你個電話號碼或者IG我啦。
陌生男：不如俾你嗰個IG我先啦，我有時間會再聯絡你。

一心：呢個係我嘅IG（一心立即打開自己的Instagram QR code讓陌生男掃瞄，陌生男掃瞄後便繼續執拾）咁你有時間就加我啦？

陌生男：好呀！

社交表達陷阱
只顧自己的期望，太快想和別人接近，對人造成壓迫感，也會予人太猴急的負面印象。

社交貼士

• 每人對認識朋友也有不同的步伐，要給時間及空間予別人。
• 嘗試想想，別人行為背後的意思。

循序漸進識朋友，太心急就趕人走