子樂和小玲是同班同學。子樂暗戀小玲已久。長假期明天就要開始了，子樂很想在放假期間約小玲上街。
（在學校操場，子樂走近小玲）

子樂（表現興奮）：小玲你復活節有咩做呀？我想約你出街呀！
小玲（平淡地說）：我約咗男朋友拍拖呀。
子樂（驚訝的表情）：吓，你有男朋友？佢叫咩名呀？佢幾多歲呀？佢讀幾年班㗎？佢住邊度㗎？佢有幾多個屋企人呀？佢嘅興趣係啲咩？佢宗教係咩呀？佢偶像係邊個呀？佢鍾唔鍾意玩模型㗎？
小玲（厭惡的表情及眼神）：子樂，你問咁多問題做咩呀？呢啲問題咁私隱，我唔想答你呀。
子樂（神情緊張，並坐近小玲）：我好想知呀！佢叫咩名呀？佢幾多歲呀？佢讀幾年班㗎？佢住邊區㗎？佢有幾多個屋企人㗎？佢興趣係啲咩？佢宗教係咩呀？佢偶像係邊個呀? 鍾唔鍾意玩模型㗎？
小玲：我……我有嘢做走先啦……

小玲匆忙離開了，子樂不明白為何小玲不回應他，覺得有點失落。
子樂對小玲不斷追問，小玲會有甚麽感覺？
子樂應該如何改善？

• 子樂對小玲不斷追問，小玲會有甚麽感覺？
• 子樂應該如何改善？

子樂和小玲是同班同學。子樂暗戀小玲已久。長假期明天就要開始了，子樂很想在放假期間約小玲上街。
（在學校操場，子樂走近小玲）

子樂（表現興奮）：小玲你復活節有咩做呀？我想約你出街呀！
小玲（平淡地說）：我約咗男朋友拍拖呀。
子樂：嘩，咁好呀？我今個周末去踩單車呀，你哋又打算去邊呀？
小玲：我哋諗住去海灘睇日落，然後去食西餐。
子樂（微笑）：哇，咁就好啦，祝你哋玩得開心啦！
小玲：多謝你，你踩單車都踩得開心啲啦！

子樂雖然從對話得知小玲有男朋友，但是他們都相處很愉快。

社交表達陷阱
和異性相處時，如提問過多、或不恰當地問及他人的私隱，如年紀、住址、信仰、政治取向等，可能會令人不舒服或不耐煩。因此，要適當掌握問題的範疇及提問的方式。

社交貼士
明白互相分享的重要。學習多聆聽，才會有更順利及愉快的交流。

• 如想了解對方的興趣和嗜好，可以詢問關於旅遊、音樂、電影等話題，讓雙方都能輕鬆自在地交流。
• 如對方不願意回答某些問題，要尊重對方的意願，切勿強行追問。

多聆聽，才有好回應